Mtu mmoja aliyefahamika kwa jina la RAJAB KANDUNDA amekutwa akiwa amefariki katika nyumba moja kwenye chumba kinachomilikiwa na NASRI OMARI huku akiwa na dawa za kulevya tumboni katika eneo la Tabata jijini Dar es Salaam.
Kamishna wa polisi Kanda Maalum ya Dar es Salaam DCP SULEIMAN KOVA
amesema jeshi hilo limepata taarifa za kuwepo kwa maiti hiyo kutoka kwa
wasamaria wema na kufuatilia ambapo walifanikiwa kumtia mbaroni mmiliki
wa chumba alipokutwa maiti huyo na mke wa marehemu.
Baada ya kukamatwa kwa watuhumiwa hao maiti ya RAJAB KANDUNDA ambayo pia ilikutwa na pipi 33 za Heroin ilichukuliwa na polisi kwa kushirikiana na ndugu wa marehemu kwa ajili ya uchunguzi.
Wakati huo huo Mwenyekiti wa Kamati ya Usalama barabarani mkoa wa Dar es Salaam ELIFADHIRI MGONJA
ametumia fursa hiyo kuwataka watanzania kujikinga na ajali kabla
hazijawapata ili kuepuka athari za kiuchumi zinazotokana na ajali za
barabarani baada ya watu kufariki au kujeruhiwa na kupata ulemavu wa
maisha ikiwa ni maadhimisho ya Wiki ya usalama barabarani.
