MWENYEKITI WA CCM WILAYA YA GAIRO AMWAGIWA TINDIKALI..!!

Kuna taarifa kuwa Mwenyekiti wa CCM Wilaya mpya ya Gairo Bwana Omary Awadhi, amemwagiwa tindikali usiku  nyumbani kwake Gairo.

Kwa mujibu wa mwenyekiti huyo tukio hilo lilitokea usiku wa manane baada ya watu wasiojulikana kumgongea na kumwamsha.  

Ghafla akahisi kumwagiwa kitu usoni kilichomletea maumivu makali na uso wake umeharibika. 

Taarifa toka kwa mjumbe wa Jumuiya ya Wazazi (Jina kapuni) anasema kumekuwepo mvutano wa muda mrefu kati ya Mwenyekiti huyo na Mbunge wa jimbo hilo la Gairo Mhe: Ahmed Shabiby. Mgogoro huo ulichukua sura mpya baada ya ziara ya Kinana kwani mwenyekiti alimtuhumu Mbunge huyo kugawa chama huku na yeye akitangaza kugombea ubunge 2015. Kikao kilichosababisha mtafaruku huo ni cha tarehe06/07/2013 kuhusu wajumbe wa mkutano mkuu wa wilaya kutaka kupiga kura ya kutokuwa na imani na Mwenyekiti huyo ambaye magaidi waliomdhuru walimtaka asihudhurie.